吳秋北又談引入國安法

【明報專訊】港區人大代表、工聯會理事長吳秋北早前表明，有意邀請港區人代聯署，喺兩會期間提出建議，希望香港未就《基本法》23 條立法前，將內地嘅《國家安全法》直接引入；雖然港區人代反應一般，但亦無損佢嘅決心，佢明言打算轉戰內地各省市人代，爭取佢哋支持。


爭取內地人代支持

咁咪即係「勾結」各區人代夾香港立國安法？吳秋北否認自己「勾結」內部勢力，仲話已經聯絡唔同地方嘅人代聯署，初步反應尚算正面。


吳秋北近排去親邊都畀人問佢收集到幾多聯署，佢噚日同傳媒聚會時就話，大家唔使咁認真，事關國安法現正重新立法，具體條文係點都未知。吳秋北承認，自己係一時口快，搞到構思過早曝光。佢仲話，家泛民鬧政改鬧到無嘢可鬧，所以先「轉移視線」鬧國安法喎。