港視App支援機頂盒「點播」

【明報專訊】港視開台以來劇集備受注目，唔少人專登買電視機頂盒煲劇，但港視個電視程式並唔支援點播，始終唔係咁方便。港視噚日宣布，現有嘅電視機頂盒用戶，可以自動更新應用程式，除咗可按節目表收看直播節目，亦可隨時選看喜愛嘅節目，自由度更大。


新嘅界面用法非常簡單，啟動應用程式後會預設為直播畫面，於畫面右下角嘅工具列選擇新增嘅「點播」就得，但要登入先至用到呢項功能。


港視話，新應用程序適用於坊間90％機頂盒，而截至2月5日，已有約60萬個電視機頂盒下載港視嘅應用程式，預料新程式會吸引更多市民透過電視收看港視節目。