新聞類別
財經
詳情#
【明報專訊】就嚟過中國新農曆年，嚟自美國紐約嘅奢侈品牌DKNY都諗住湊熱鬧？繼上個月Burberry推出「福」字頸巾被搶購一空後，DKNY都睇好中國市場，破天荒首次推出以中國羊年為主題嘅手袋。個設計就唔算複雜，係在原本經典款手袋嘅一角印上小羊嘅卡通圖案，仲專登襯埋醒目嘅紅色同黃色，真係迎合晒中國客嘅口味。
店員就介紹，呢系列手袋同埋錢包產品上月中先至推出，淨係亞洲區先有得賣。雖然個設計一反DKNY原本偏黑白灰嘅簡約經典風格，不過就特別受內地客歡迎，推出唔夠一個月就已經就嚟賣斷貨。佢亦都同小琴講，呢批羊年特別款手袋，數量唔多，DKNY池上海嘅舖頭一早已經賣斷貨，唔少內地遊客仲專登嚟香港嘅DKNY店買呢個手袋，搞到香港家都只係剩返好少貨。上次小琴同大家介紹Burberry嘅「福」字頸巾，好多人都話似「地攤貨」，咁你又覺得呢個羊年手袋得唔得呢？
不過值得一提嘅係，DKNY今年1月轉咗香港代理商，春季新貨多左好多好粉嫩嘅顏色，同原先以黑白為主嘅設計好唔同，唔通係想放下身段學返Kate Spade？
email: piano@mingpao.com
[小琴密語]
店員就介紹，呢系列手袋同埋錢包產品上月中先至推出，淨係亞洲區先有得賣。雖然個設計一反DKNY原本偏黑白灰嘅簡約經典風格，不過就特別受內地客歡迎，推出唔夠一個月就已經就嚟賣斷貨。佢亦都同小琴講，呢批羊年特別款手袋，數量唔多，DKNY池上海嘅舖頭一早已經賣斷貨，唔少內地遊客仲專登嚟香港嘅DKNY店買呢個手袋，搞到香港家都只係剩返好少貨。上次小琴同大家介紹Burberry嘅「福」字頸巾，好多人都話似「地攤貨」，咁你又覺得呢個羊年手袋得唔得呢？
不過值得一提嘅係，DKNY今年1月轉咗香港代理商，春季新貨多左好多好粉嫩嘅顏色，同原先以黑白為主嘅設計好唔同，唔通係想放下身段學返Kate Spade？
email: piano@mingpao.com
[小琴密語]
回應 (0)
