新聞類別
財經
詳情#
【明報專訊】早幾日「阿里巴巴捐十億」畀港青創業成為大新聞，小弟今天，也說馬雲。小弟有幸，從一位選委手上得到一張VIP區的票，去那個董建華搭台、楊振寧和馮國經都撐場的馬雲Talk。一入場，似足造勢大會，唯獨是見唔到阿松（梁錦松）、葉劉（葉劉淑儀）這些熱身馬，可能係中央落咗柯打，唔準畀人有任何「2017年的遐想」。馬雲的而且確係有號召力，現場7000人都有。不過坦白講，筆者聽完最大感受係「睇黃子華好過」。
聽完差不多兩個鐘，馬雲吹水能力超強，以「自嘲式自大」的伎倆贏得好多掌聲，勁叻於搞爛Gag，最印象深刻係嗰句「風來的時候豬都會飛，所以很多人天天在找風，哪有機會，就撲去那，但是風過去了，摔死的都是豬。」
「網貨論」非互聯網之父風範
到底誰是等風、乘風的豬，不知道，但當馬雲被問到淘寶有人賣假貨，甚至假大學文憑都有得賣時，他的回應並不那麼「神」，還自創了「網貨論」。推崇大數據的他，竟然話淘寶網市場巨大，出現各種情况都正常，很難做到完美。
科技厲害的地方，就是運用大數據增加商業競爭力，處理12億的商品，點樣維持平台的信譽同銷售質素，點樣以分析海量資訊去提升精準度，呢啲先係互聯網之父應追求的地方，而唔係辯駁假貨是網貨，用會飛的豬去講「改變自己」的重要性。筆者好欣賞馬雲的小個子、大膽色，但隨着他的地位愈來愈具影響力，對他的期望自然會高，否則真係睇黃子華棟篤笑仲有啟發性。
劉鳴煒真金白銀捐4億無人理
另外，不得不提，馬雲捐十億畀香港後生仔做創新基金做了大新聞，大劉個仔劉鳴煒捐四億給負責評選諾貝爾獎的瑞典醫院，在香港成立再生醫學中心，專研幹細胞科技，呢單新聞反而大家冇乜理。馬雲設十億基金，係唔一定用到十億咁多錢的，但小劉捐四億，真金白銀畀晒，唔係細數目，呢個舉動之後，仲恰巧傳佢做創科局副局長，都好爆吓。
有個投行老友話，小劉曾在一大行做實習，為人非常樸素，午餐經常食三文治，熱愛三項鐵人，一啲都唔公子。今次咁慷慨捐四億，不免惹人遐想。
創科局為做而做
不過，正如筆者上星期所指，創科局係一個連解決乜問題都唔知，只為做而做的官僚部門，以劉鳴煒的才智，應該會明白做副局長是沒什麼作為的，就算要為N屆特首鋪路，都應搵其他好位。
[應正亮 廿四味]
聽完差不多兩個鐘，馬雲吹水能力超強，以「自嘲式自大」的伎倆贏得好多掌聲，勁叻於搞爛Gag，最印象深刻係嗰句「風來的時候豬都會飛，所以很多人天天在找風，哪有機會，就撲去那，但是風過去了，摔死的都是豬。」
「網貨論」非互聯網之父風範
到底誰是等風、乘風的豬，不知道，但當馬雲被問到淘寶有人賣假貨，甚至假大學文憑都有得賣時，他的回應並不那麼「神」，還自創了「網貨論」。推崇大數據的他，竟然話淘寶網市場巨大，出現各種情况都正常，很難做到完美。
科技厲害的地方，就是運用大數據增加商業競爭力，處理12億的商品，點樣維持平台的信譽同銷售質素，點樣以分析海量資訊去提升精準度，呢啲先係互聯網之父應追求的地方，而唔係辯駁假貨是網貨，用會飛的豬去講「改變自己」的重要性。筆者好欣賞馬雲的小個子、大膽色，但隨着他的地位愈來愈具影響力，對他的期望自然會高，否則真係睇黃子華棟篤笑仲有啟發性。
劉鳴煒真金白銀捐4億無人理
另外，不得不提，馬雲捐十億畀香港後生仔做創新基金做了大新聞，大劉個仔劉鳴煒捐四億給負責評選諾貝爾獎的瑞典醫院，在香港成立再生醫學中心，專研幹細胞科技，呢單新聞反而大家冇乜理。馬雲設十億基金，係唔一定用到十億咁多錢的，但小劉捐四億，真金白銀畀晒，唔係細數目，呢個舉動之後，仲恰巧傳佢做創科局副局長，都好爆吓。
有個投行老友話，小劉曾在一大行做實習，為人非常樸素，午餐經常食三文治，熱愛三項鐵人，一啲都唔公子。今次咁慷慨捐四億，不免惹人遐想。
創科局為做而做
不過，正如筆者上星期所指，創科局係一個連解決乜問題都唔知，只為做而做的官僚部門，以劉鳴煒的才智，應該會明白做副局長是沒什麼作為的，就算要為N屆特首鋪路，都應搵其他好位。
[應正亮 廿四味]
回應 (0)
