《警聲》網上版繁體變簡體

【明報專訊】警務處長「一哥」曾偉雄早前喺周年回顧記者會上，曾經叫過大家留意吓警隊刊物《警聲》，有網民響應，但發現最新一期《警聲》嘅網上繁體版，有文章有多處用咗簡體字，例如「後」變「后」、「術」變「朮」、「範」變「范」等，直至噚日下晝3時左右，網上版嘅字體先修正番為繁體字。


警稱轉換版本無校對清楚

Emily問警方，佢哋承認網上版的確有字形出錯，原因係轉換印刷版為網上版本期間無校對清楚，感謝市民嘅指正，令《警聲》編輯部得悉後可以即時修正，家出現嘅會係正確版本。


涉事嘅係〈交通部更換裝備 加強訓練〉嘅報道，被眼利網民發現咗有多處出現簡體字，有人質疑警方係咪搵內地人寫稿，先導致呢個情况。不過，Emily噚日睇過印刷版《警聲》嘅同一篇章，就唔見有簡體字喎。