微信封殺支付寶 雙馬隔空開火

【明報專訊】「雙馬」暗戰多年，臨近年尾又再開火。早前支付寶錢包春節推廣推出紅包分享功能，仲特別增加微信及QQ入口。不過，騰訊嗰邊就毫不客氣，一發現就全面block晒支付寶嘅分享接口，存活時間連半日都唔夠，令用戶無得喺微信及QQ平台share支付寶紅包。


騰訊長文轟「掛羊頭賣狗肉」

騰訊仲特登做埋篇長文回應，講到明支付寶呢個係「掛羊頭賣狗肉」嘅違規行為，一定會逐步打擊，仲放話「什麼時候阿里系接入微信支付，我們再來談這個問題」。


不過支付寶都唔好惹，即時隔空回應扮無辜，將推晒責任到微信度。支付寶話果日有好多商戶都打電話來問，唔明點解微信網點無法使用支付寶支付。支付寶就回應話它給微信店鋪提供的支付服務一路都無變過，讓商戶和消費者，「有事找微信」。小琴就覺得，呢個時間啲商戶都想搵多啲錢過年，就算鬥氣都唔好令到啲商戶同消費者唔方便呀！


[小琴密語 email: piano@mingpao.com]