空巴港機合作培訓「顧夏晨」

【明報專訊】喺好多年前，無綫嘅《衝上雲霄1》激起後生仔女對機師空姐嘅嚮往，而舊年嘅《衝上雲霄2》將飛機維修員刻畫成一份好Cool嘅職業，亦帶旺咗呢份大家感覺較陌生嘅工。空中巴士近排就同港機（0044）簽咗份長期合作協議，喺內地同埋東南亞提供飛機維修工程培訓，乘機吸納吓新血。


做一個合格嘅飛機維修員，辛苦得嚟，對技術要求又極高，所以呢個行業好頭痛留唔到人，一直人才短缺，就算不斷提出加人工，情況都唔見緩解。而空巴同港機呢個課程，培訓會按照空巴官方標準、工具同教學技巧，為飛機設備製造商嘅員工提供維修培訓。


最特別係，佢哋培訓設備非常先進，比如空巴會將虛擬嘅空巴飛機，通過數碼技術帶入港機工程設施。希望個培訓課程可以令更多想入行嘅後生仔更有能力handle到份工，有更多又叻又Cool嘅顧夏晨出現喺飛機維修業啦。


[小琴密語 email: piano@mingpao.com]