新聞類別
財經
詳情#
【明報專訊】有一天，我應老友所邀，到深圳聽talk。席間同另一名朋友談起，他說如果我搞一個對冲基金，可以用特惠價錢，去幫我作管理，「幾十萬就可以成立到啦，見係你先至咁平咋！」
我當然明白，這個只是成立費用啫，一旦基金成立咗，一年幾百萬洗費，走唔甩噃，所以一個基金無兩億元，都沒有規模效益，因為點豉油都會點乾。雖然，幾十萬可以成立，又真係幾吸引嘅。
跟着，在上星期，又撞到了另一個非常疊水的朋友，他忽然主動說：「喂！不如你同班拍檔一人夾番1000萬，成立個對冲基金，我可以包底7000萬，支持你哋。」我計一計條數，以我的名氣和人際網絡，都可以搵番1億返過來吧？咁咪豈不是夠兩億元數，可以開波？
不過，我還是婉拒了這名朋友的好意，我說：「我和班拍檔家有間新嘢搞，分不到身來搞基金。」再說，現在我們輕輕鬆鬆，一年都可以賺千零兩千萬，好彩撞中一隻勁嘢，仲唔止呢個數，使乜去玩基金咁辛苦呀？
後來我同拍檔討論這個問題，他說，一個兩億元的基金，就算一年兩成回報，賺4000萬，除去使費，賺3000萬鬆啲，我哋最多咪分得幾百萬？咁不如自己炒好過啦。我說，除非自己搵隻殼返來，自己去打一口莊，咁就需要多點資金，就有必要成立基金了。
討論了一個晚飯時間，結論是﹕家仲未玩夠，都係以玩樂至上，無謂搞基金咁麻煩了。除非以後有好多錢，需要處理，自己的錢又多到唔介意一年使幾百萬，才去想基金的問題吧！
[周顯 投資二三事]
我當然明白，這個只是成立費用啫，一旦基金成立咗，一年幾百萬洗費，走唔甩噃，所以一個基金無兩億元，都沒有規模效益，因為點豉油都會點乾。雖然，幾十萬可以成立，又真係幾吸引嘅。
跟着，在上星期，又撞到了另一個非常疊水的朋友，他忽然主動說：「喂！不如你同班拍檔一人夾番1000萬，成立個對冲基金，我可以包底7000萬，支持你哋。」我計一計條數，以我的名氣和人際網絡，都可以搵番1億返過來吧？咁咪豈不是夠兩億元數，可以開波？
不過，我還是婉拒了這名朋友的好意，我說：「我和班拍檔家有間新嘢搞，分不到身來搞基金。」再說，現在我們輕輕鬆鬆，一年都可以賺千零兩千萬，好彩撞中一隻勁嘢，仲唔止呢個數，使乜去玩基金咁辛苦呀？
後來我同拍檔討論這個問題，他說，一個兩億元的基金，就算一年兩成回報，賺4000萬，除去使費，賺3000萬鬆啲，我哋最多咪分得幾百萬？咁不如自己炒好過啦。我說，除非自己搵隻殼返來，自己去打一口莊，咁就需要多點資金，就有必要成立基金了。
討論了一個晚飯時間，結論是﹕家仲未玩夠，都係以玩樂至上，無謂搞基金咁麻煩了。除非以後有好多錢，需要處理，自己的錢又多到唔介意一年使幾百萬，才去想基金的問題吧！
[周顯 投資二三事]
回應 (0)
