保時捷運物資

【明報專訊】泛民同建制團體嘅資源相差有幾大？噚日保衛香港運動、匯賢起動等組織，租咗架開篷巴士巡遊港九新界，佢哋嘅物資車係一部保時捷（波子），仲係鮮黃色嘅！不過保港運動負責運送物資嘅波子就遲大到，搞到巡遊隊伍都要延遲出發，發起人傅振中預告，佢哋喺政改第二輪諮詢會落區宣傳政改。至於要用幾多錢？傅振中話唔使好貴，好似噚日租架巴士巡遊，大約6500蚊。