民陣明遊行 賣「袋住先」利市封

【明報專訊】民陣聽日舉辦遊行，表明拒絕假民主、爭取真普選，計劃下晝兩點由維園中央草坪出發，由幾個喺佔領運動中被捕嘅示威者帶領，下晝4點到午夜會喺中環遮打道行人專用區集會。民陣召集人陳倩瑩（圖）話，希望政務司長林鄭月娥到維園參與遊行，沿途聽取遊行人士拒絕「袋住先」嘅意見。


遊行期間民陣會喺街站賣寫有「袋住先」同「流年乜乜乜都吉利」字樣嘅利市封，同埋寫咗「自己政府自己揀」嘅T恤。民陣話利市封只係印咗150包，有買就要趁手。另外，港大民研話會派人點算民陣嘅遊行人數。


（余俊亮攝）