叮噹港九快閃收告票

【明報專訊】電影《STAND BY ME﹕多啦A夢 3D》下月上映，有關方面嘅宣傳亦開始，噚日香港唔同地方都出現咗主角多啦A夢（又稱叮噹）同佢部日式小貨車，任港男港女影相、合照，非常sweet。佢哋首站先到尖沙嘴天星碼頭，為報販打氣兼賣報紙，之後去九龍公園，同班婆婆學耍「印尼爺爺關節操」，身材圓滾滾嘅叮噹耍起18式來都有板有眼。佢又去深水埗街坊福利會小學跟同學仔見面，送上豆沙包、糖果等。


最搞鬼係佢去銅鑼灣時，現場人多車多，叮噹懷疑喺雙黄線上落客，不單佢部小貨車要被警察趕，之後據其facebook專頁話，叮噹仲收到告票，要「袋住先」，但難得能夠同港人打氣，被抄牌都冇所謂喎。