FANCL店開張 Chilam吐苦水

【明報專訊】呢幾年網購盛行，搞到啲實體店無啖好食。FANCL尋日喺又一城開咗間概念店，全店只有三分之一嘅舖面擺產品做生意，其他空間設計成藝術展廳，有個360度數碼屏幕展現產品同埋生活中嘅有趣情景。FANCL話實體店要有個大革新，至可以避免被互聯網取締，又可以提升吓品牌形象。今次FANCL搵Chilam（張智霖，左）同心悠BB（劉心悠，右）撐場，Chilam好畀面，話同老婆行街，都係老婆買嘢，自己就得個等，有啲藝術品睇下就無咁悶。咁希望呢種新體驗，可以打救一大批陪老婆行街覺得悶嘅男士，唔使成日做「低頭族」啦。


[小琴密語]