資產須少過3.5萬 50龕位送窮人

【明報專訊】香港骨灰龕位短缺，有善長透過玉德堂慈善基金，捐出50個位於廣州南沙嘅骨灰龕位畀本港基層市民，只要個人資產總值少過3.5萬元，即日起可以向玉德堂慈善基金申請，通過審批就可獲送龕位。


玉德堂慈善基金經理李小姐話，位於南沙嘅廣州玉德堂陵園，捐出骨灰龕位，有善長花40萬元向玉德堂慈善基金買咗50個龕位，再透過基金捐出，送畀基層市民。李小姐話，申請者個人資產總值須少過3.5萬元，對象主要係較年長市民，市民亦可以親身睇過龕位先再決定要唔要。


另外，基金亦有6000個龕位，以3000元優惠價賣畀已經持有「灰紙」嘅市民，申請者唔需要入息審查。