克魯明：中國數據比科幻小說更科幻

【明報專訊】諾貝爾經濟學家克魯明（Paul Krugman，圖）噚日嚟到香港出席亞洲金融論壇，分享對全球經濟前景嘅睇法。講到點睇中國嘅貨幣政策，克魯明語出驚人話好唔鍾意中國，因為好難分析。佢話全世界嘅經濟數據都好似科幻小說咁，難免有水分，但中國嘅數字比其他國家更加「小說」（more fictional than most），即係老作啦！佢一講完全場都拍爛手掌。


佢之後又大唱反調，又叫中國唔好開放畀國際資金自由流動，因為短期資金向由流動風險高，又唔會有太大好處，相反過去幾年中國都正好受惠封閉嘅資本帳，避過外國負面影響。佢認為中國問題係太依靠投資，而消費不足夠，建議中國要做好社會保障網着，特別係醫療，「如果去到醫院睇病時，唔使去ATM㩒錢，啲人會更願意消費」。


[小琴密語 email: piano@mingpao.com]