新聞類別
財經
詳情#
【明報專訊】中證監主席肖鋼講過，你不理財財不理你，大家得閒真係要認真諗下財富管理，咪話小琴唔提醒，如果真係有心想了解理財之道，聽晚7點留意翡翠台啦，事關投資者教育中心同香港電台聯合製作咗一輯鼓勵消費者精明理財嘅電視劇《回到未來錢》，會响聽晚首播。
投資者教育中心之前仲搞咗次首映，聽講成個系列分8集，探討理財、債務管理、儲蓄、投資，財務及退休策劃等主題，部分仲係真實個案改編而成，相信可以引起觀眾共鳴。正如投資者教育中心總經理李博衛先生話齋，希望透過電視劇畀觀眾了解每個理財故事嘅啟示，鼓勵佢哋訂立明確務實嘅財務目標。
計小琴話，套電視劇另一賣點，就係搵咗一班女神例如大埔LuLu、杜小喬、Vivian Law同李蘊拍攝，你話由佢哋教理財，班宅男又點會唔聽？
[小琴密語]
投資者教育中心之前仲搞咗次首映，聽講成個系列分8集，探討理財、債務管理、儲蓄、投資，財務及退休策劃等主題，部分仲係真實個案改編而成，相信可以引起觀眾共鳴。正如投資者教育中心總經理李博衛先生話齋，希望透過電視劇畀觀眾了解每個理財故事嘅啟示，鼓勵佢哋訂立明確務實嘅財務目標。
計小琴話，套電視劇另一賣點，就係搵咗一班女神例如大埔LuLu、杜小喬、Vivian Law同李蘊拍攝，你話由佢哋教理財，班宅男又點會唔聽？
[小琴密語]
回應 (0)
