卿姐《民族論》借田少見識

【明報專訊】特首梁振英上周狠批港大學生出版嘅書刊《香港民族論》，話係傳播「錯誤」主張。噚日政制事務委員會開會，自由黨田北俊（左）咁啱同民主黨劉慧卿（右）坐埋一齊。田少話卿姐問佢，有無睇過呢本書，話本書好搶手，好難先買到返嚟，仲大方借畀田少睇吓。田少同Emily講，佢只係匆匆睇咗幾頁，估唔到家嘅學生刊物印刷咁靚，至於書本內容，佢都無詳細睇。不過，對於「港獨論」，田少話「唔make sense」，如果香港搞獨立，「水都無得飲」，相信根本無咩香港人會認同。


（林俊源攝）