福壽園代客「遙控拜山」

【明報專訊】科技發達，今時今日幾乎咩都可以網上搞掂，小琴噚日見到殯儀股福壽園（1448）管理層，佢哋話家啲人原來興「遙控拜山」，即係用手機APP落單，叫人幫你去獻花，方便就方便啦，不過似乎失晒拜山原意囉！

福壽園副總經理趙宇話，公司客人可以網上落單，搵人幫手拜山獻花，再影幅相send畀客人確認，佢哋仲搞緊陰間尋親，即係透過公安部戶籍同公司資料庫幫你查番族譜，幫你搵番自己祖先落葉歸根，家公司網上銷售佔總銷售額已經有兩成，內地客口味真係估佢唔到。


擬搞殯儀學院培訓人才

除此之外，公司另一位副總經理伊華話，有興趣搞埋殯儀學院，因為行業傳統上人才唔多夠；佢話如果搞得成學校，將會係上市公司資產一部分，預計3至5年後落實。


[小琴密語]