學生被打 八両金：如果在場同打人者「揪過」

【明報專訊】藝人八両金下午在學聯副秘書長岑敖暉回應民情報告記者會前，經過記者會地點附近。他表示，早前見到學生被打「好心噏」，如果在場會同對方「揪過」。近期有藝人表示有意從政，他則表示不會參選。


他自稱佔領運動第8日曾到過金鐘佔領區，但當日「無學生睬我，我咪走」，又向記者說：「你搵周永康（學聯秘書長）同我傾吓偈啦，我唔知佢電話，或者你將佢電話畀我，我同佢聯絡」。他又稱，周永康「好似係我鄉里」，「我聽到係鄉里，就好想同佢做朋友」。


有記者表示學聯副秘書長岑敖暉稍後會到場，八両金反問「邊個係岑敖暉？」有人回答說：「男神嚟架，好靚仔嘅」。八両金回應說：「三個（學生領袖）唔知邊個打邊個，三個都幾靚仔」。


被問到是否撐學生，八両金回應說，學生與他的兒子年紀相若，將他們當作子女看待：「我知道學生好有智慧、智慧好高；但經驗就零雞蛋。嗰日見學生被人打，我好心噏你知唔知？」他又說當日如果在場，「會同佢（打學生者）揪過」。


近期有藝人表態打算參選立法會，八両金表示「藝人係藝人嘅事，唔關我事」，至於若歌手何韻詩參選會否支持，「在這群演員的眼中，我係好細小嘅，我無權話事話佢，我唔會發呢種聲」。他稱，自己不會參選區議會，「我對政治好冷漠，我淨係有興趣拍電影」。