警拍片講佔領 3 madam吸睛

【明報專訊】警隊喺後佔領時代密密拍片，最新上載警方YouTube頻道嘅一條片叫《巾幗不讓鬚眉》，訪問3個警花講處理佔領運動，包括元朗刑事調查隊管泓珊、牛頭角分區行動支援小隊何家慧，同旺角警區特別職務隊譚亦媛。Emily覺得條片都幾能吸引大家眼球，但到噚日下晝都係得200幾人睇過。


3個madam喺佔領期間各有崗位，如負責前線或後勤支援角色，其中Madam何話運動初期身邊朋友對警隊都有誤解，但日子耐咗，都明白警察係「全心全意服務市民」；Madam管就話，有人犯法，警方只係執行職務，維護法紀；Madam譚話警方仍然好需要同市民合作，維持社會安全。不過，3個Madam同「一哥」曾偉雄或者「4點鐘許sir」許鎮德講嘅嘢差唔多，但係就用軟銷soft approach由警花把口講出，唔知公眾感覺有無唔同呢？