劉貳龍辭學民發言人

【明報專訊】學民思潮再次出現人事變動，繼周庭喺佔領期間辭去發言人職務後，另一名發言人劉貳龍噚日亦喺facebook發表千字長文，宣布不再擔任學民發言人，希望騰出時間重新整理過去同現在嘅經驗，思考未來路向。


稱無悔走上抗爭路

劉貳龍喺文中憶述，過去1年零8個月加入學民後，先後經歷宣傳民間公投方案、罷課以至雨傘運動，一直無後悔與學民戰友走上抗爭路。


不過佢話即使未決定之後做乜，但就想嘗試新事物，所以決定離開幕前辭去發言人職務，等自己有更多時間同空間整理過去嘅經驗，思考自己喺民主運動中嘅位置。佢同時亦感謝學民戰友同家人朋友過去一直支持，希望未來可以同港人一齊見證真普選咁話。