永隆送「古惑的篋」 吸年輕旅人

【明報專訊】唔少後生仔女都鍾意請大假周圍去旅行，而永隆銀行就睇準呢個商機，推出以旅遊為主題嘅白金信用卡，迎新禮品包括一個「古惑的篋」，佢既係行李箱，又係滑板車。而持卡人享有換外幣免手續費、半價旅遊保險等優惠。


永隆銀行零售銀行部主管鍾少權（圖）噚日一邊踩住架滑板車行李箱，一邊講，上年信用卡業務開始主打年青客戶群，平均每單簽帳額有雙位數增長，令信用卡業務盈利按年以倍數增長。未來都朝住呢個方向發展，如拓展網上支付服務、研究搞網購。


[小琴密語]