新世界瞓身追求透明度

【明報專訊】家世界趨勢講求可持續發展，新世界（0017）亦不甘後人，繼2014年初公布首份可持續發展報告之後，早排發表咗集團第二份報告，而集團旗下3間上市公司新創建（0659）、新世界中國（0917）同新世界百貨（0825），亦都剛剛喺12月各自獨立發布佢哋首份可持續發展報告。


一個集團編寫一份報告都嫌唔夠，仲連子公司都參與埋一份，新世界執董兼聯席總經理鄭志剛指，呢種做法已經超出任何地方對企業可持續發展嘅要求，亦都證明公司係幾咁重視透明度同前瞻性。


大家亦唔好以為企業撰寫可持續發展報告，可以求其了事，隨便寫完就公布，好似新世界咁，佢哋嘅報告係得到香港生產力促進局獨立核實，內容符合可持續發展要求先至得㗎。


[小琴密語 email: piano@mingpao.com]