無申盛事基金 龍獅節話「座無虛席」

【明報專訊】噚日元旦日舉辦嘅2015龍獅節，其中4隊龍獅預早喺6個旅遊景點包括山頂廣場、天星碼頭及西洋菜街行人專用區表演，為香港人同遊客「冲喜」一下。200隻龍獅其後喺尖沙嘴集合，由九龍公園巡遊至文化中心（圖），一直表演到夜晚8點，唔少市民放假都嚟湊熱鬧同影相。


今年龍獅節未有向盛事基金申請資助，規模較過往4年「縮水」，無再打破世界紀錄。主辦單位話今年唔使同盛事基金上報，冇特登搵核數師數出席人數，但就話無論文化中心定山頂都座無虛席喎。