高達斌被幾廿年老友unfriend

【明報專訊】佔領事件引發一股unfriend潮，反佔中團體「愛港之聲」嘅主席高達斌都「身受其害」。佢話去年9月28日喺WhatsApp群組向一個識咗幾廿年嘅老朋友講咗句「中國咩都少，只係漢奸多」，就被嗰個老朋友unfriend咗，老友仲離開埋個群組，家都未和好。


覆咗句「中國咩都少，只係漢奸多」

「愛港之聲」噚日喺中環遮打花園舉行慶元旦嘉年華，主題係「愛香港愛鄰舍愛家人」。高達斌有感而發，憶述去年9月28日佔領開始當日，原本約咗一班老朋友聚會，但因為佢要去睇佔中發展成點，所以甩底，仲話當日「我都聞過催淚煙」。當時有一個支持學生嘅朋友喺WhatsApp群組講「中國咩都少，唯一奴才多」，高達斌覆咗句「中國咩都少，只係漢奸多」，咁就無朋友做喇。


公司有「黃絲」 自稱好老闆

高達斌又自言有資格做最佳僱主，因為佢公司有小量「黃絲」、支持佔領嘅員工，佢從未禁止員工討論政治，仲話大家不時會交流睇法