新聞類別
財經
詳情#
【明報專訊】網遊股雲遊（0484）3月宣布收購神魔之塔，一眾投資者積極追入，但最終都係買唔成呢棵搖錢樹，令股價就一直狂跌。不過呢，股價下跌，大股東可能反而著數咗。星期三雲遊發公告，話5名創始股東入面，有兩位投資者決定將股權以每股14蚊賣畀其他創辦人同戰略投資者，以當日招股價55蚊為指標，而家幾位股東都算係低撈股票，日後如果升返都好爽。
售予其他創辦人
雲遊份公告就話，共同創始股東莊捷廣同埋黃衛兵，分別賣出所持有嘅雲遊15.62%同7.08%的股權，以每股14蚊計，合共涉資4億。而呢兩位股東出售嘅所有股份，就全部由其餘創始股東同其他戰略投資者接手，交易完成之後，主席汪東風持股由16.44%增至21.06%，首席產品官楊韜持股從0.79%大升至6.37%，其餘買家包括網遊企業空中網以及其他戰略投資者。
近日雲遊股價認真麻麻，尋日收報14.7蚊，咁14蚊作價都算係最近嘅市場均價。不過佢以55蚊招股，3月宣佈買神魔之塔時仲升過上60蚊，事隔唔夠一年已經跌咗超過七成，你都咪話唔誇張。
[小琴密語]
售予其他創辦人
雲遊份公告就話，共同創始股東莊捷廣同埋黃衛兵，分別賣出所持有嘅雲遊15.62%同7.08%的股權，以每股14蚊計，合共涉資4億。而呢兩位股東出售嘅所有股份，就全部由其餘創始股東同其他戰略投資者接手，交易完成之後，主席汪東風持股由16.44%增至21.06%，首席產品官楊韜持股從0.79%大升至6.37%，其餘買家包括網遊企業空中網以及其他戰略投資者。
近日雲遊股價認真麻麻，尋日收報14.7蚊，咁14蚊作價都算係最近嘅市場均價。不過佢以55蚊招股，3月宣佈買神魔之塔時仲升過上60蚊，事隔唔夠一年已經跌咗超過七成，你都咪話唔誇張。
[小琴密語]
留言 (0)
