李唯治審案語出驚人

【明報專訊】下令把女童送往兒童院的署任主任裁判官李唯治，以往不時語出驚人。2013年有嶺南大學男生偷食物被控，李官見到被告的女友以卡通信紙寫的求情信後大怒：「我唔睇內容，淨係睇信紙都知你有幾尊重法庭」，又舉起該信說：「上面印住lovely duck！好似小朋友咁。」1個月後，李官向在犯人欄爆粗的青年訓斥：「你喺本席面前講×你老母，要判你即時入獄一個月！」他又向其他被告稱：「邊個喺法庭面前胡作非為，我可以判你即時監禁。」


同年有中年搬運工偷鞋送給女友，李官庭上突吐苦水：「女人買鞋要啱心水，既要度尺寸，又要試腳形，男人陪到瞓覺都未得。」另有六旬的士司機用雞毛掃打10歲獨子，李官說：「60歲人，有一個仔都唔還神？」


「女人買鞋試腳 男人陪到瞓覺都未得」

至2014年，有結他導師被控於小巴非禮乘客，其代表律師求情稱他失戀而「一反常態」。李官斥責律師：「你點知佢係一反常態？你今朝先見佢！」他更向律師「教路」：「你應該單刀直入同佢（被告）講：『你點解咁變態？』你唔落力問，佢一定會求其答你啦！」