湯家驊睇北極光過聖誕

【明報專訊】好多立法會議員都趁聖誕節出遊唞唞，公民黨湯家驊（Ronny）就同家人去咗加拿大北部小鎮黃刀（Yellowknife）睇北極光。Ronny喺facebook分享北極光靚相，話喺黃刀度過咗零下40幾度嘅平安夜。


指普選鏡花水月 遙不可及

Ronny雖然身處加拿大，但對香港嘅政改依然念念不忘，仲寫咗篇「聖誕的啟示」同大家分享。佢話咁多年來香港政制方面，見唔到有乜嘢值得令人感到歡欣嘅歷史事件，時至今日，2017年普選行政長官幾近鏡花水月，2020年普選立法會更係遙不可及，「有什麼值得我們舉世歡騰？」佢話唯一值得安慰嘅，就係一家人仍有時間聚在一起，喺國事、家事中，最少找到溫暖嘅一刻。