新年金多寶彩金5000萬

【明報專訊】元旦三T 12月31號受注

馬會為咗慶祝新年，1月3日（下周六）有新年六合彩金多寶，呢期會有3800幾萬元金多寶，如果10蚊一注獨中頭獎，估計彩金可以有5000萬元，仲多過早排解款車跌出嚟嘅1500萬，想碰吓運氣嘅市民，可以去買六合彩。


而2015年元旦（下周四）會有沙田馬場舉行嘅元旦賽馬日，如只有10元一注獨中三T正獎，彩金估計有成2800萬，12月31日接受投注，一樣係元旦舉行嘅足智彩「英超六寶半全場」同1月3日（下周六）「英足六寶半全場」，亦合共帶來共200幾萬多寶金額，分別喺今年12月30日同下年1月2日接受投注。