新聞類別
財經
詳情#
【明報專訊】財經事務及庫務局常任秘書長區璟智噚日退休，同一班傳媒分享吓佢退休大計，原來佢未來一年將會擔任非牟利組織協青社會長，協助邊緣青年；不過，講到前上司兼前政務司長許仕仁日前被判貪污罪成，區璟智就話覺得好難過，話唔想講太多。
區璟智話，許仕仁喺佢眼中係一個充滿睿智嘅人，個人立場上唔願意相信佢犯法嘅事，呢件事令佢好難過。
不過一轉番講佢退休嘅話題，區璟智就變得好雀躍，佢話退休後第一步係要叉電，出年2至3月會去伊朗旅行，之後就會主力幫協青社幫手做義工。原來佢已經幫咗協青社一段時間，發現香港有好多邊緣青少年需要協助，嚟緊佢主要會負責募資，件事有意義，加上佢人脈咁廣，當然無難度啦。
好多人都知道區璟智愛打扮，佢鍾意戴頭箍更加係出晒名，甚至有個「頭箍小姐」嘅稱號，連佢自己都自認「姿整」，著衫都要襯返個頭箍，退休在即，有傳媒朋友就問佢究竟有幾多個頭箍？答案連佢本人都唔太肯定，「超過一百個左右啦。」
[小琴密語]
區璟智話，許仕仁喺佢眼中係一個充滿睿智嘅人，個人立場上唔願意相信佢犯法嘅事，呢件事令佢好難過。
不過一轉番講佢退休嘅話題，區璟智就變得好雀躍，佢話退休後第一步係要叉電，出年2至3月會去伊朗旅行，之後就會主力幫協青社幫手做義工。原來佢已經幫咗協青社一段時間，發現香港有好多邊緣青少年需要協助，嚟緊佢主要會負責募資，件事有意義，加上佢人脈咁廣，當然無難度啦。
好多人都知道區璟智愛打扮，佢鍾意戴頭箍更加係出晒名，甚至有個「頭箍小姐」嘅稱號，連佢自己都自認「姿整」，著衫都要襯返個頭箍，退休在即，有傳媒朋友就問佢究竟有幾多個頭箍？答案連佢本人都唔太肯定，「超過一百個左右啦。」
[小琴密語]
留言 (0)
