梁齊昕自嘲：啲人叫我龍蝦女

【明報專訊】外界一直關注特首梁振英（CY）次女梁齊昕嘅生活，佢喺網上發表嘅言論同相片經常成為網民熱話。齊昕日前受訪，話父母同朋友都叫佢唔好再喺網上發布信息，「但係我任性，我行我素，又覺得自己只不過係個普通人，我又唔係post啲唔好嘅嘢……咁facebook係咁玩」。雖然係梁振英女兒，齊昕強調「我只不過係一個普通嘅香港後生女，I'm just齊昕」。


梁齊昕接受《都市日報》專訪，大談同父母關係同成長經歷等，佢亦有喺facebook分享篇文章同當日影嘅相，仲話「Dude I'm a nobody（老友，我只係普通人）」。


齊昕喺專訪中提到父母最擔心自己，因為自己麻煩同硬頸，又形容同母親相處時有「Up & Down」，就好似普通女仔咁。佢提到媽媽比較緊張學業成績，爸爸就注重做人嘅態度，強調要有禮貌、有家教，同有責任感。


梁齊昕不時會喺facebook曬手袋同靚鞋，曾經話多謝納稅人買畀佢。佢喺訪問中澄清只係講笑同自嘲，仲話去英國頭6年都係寄宿，每3個月都只有50英鎊（約650港元）零用錢。對於梁唐青儀早前一身鮮紅色造型出席活動，被網民惡搞變成龍蝦，齊昕話無嬲，「我覺得幾好笑，啲人仲叫我龍蝦女