科通芯城﹕搞比賽好過賣廣告

【明報專訊】大陸創業風氣非常盛行，深圳更已成為全球硬件創業最重要地方。過去一年連從事網上IC零件B2B網購嘅科通芯城（0400）都積極參與舉辦名為「硬蛋」嘅硬件嘅創業比賽，硬蛋最近更聯同騰訊（0700）旗下微信大搞針對微信應用嘅創業比賽。


「硬蛋」有供應鏈支援

硬蛋對創業團隊提供唔少供應鏈上嘅支援，好似幫手搵模具廠家，甚致幫手做埋推廣，不過全部唔收錢。科通芯城營銷副總裁劉宏蛟就話，要以互聯網公司嘅心態去支援創業社區，即係唔會咁快去諗盈利模式，純粹做好嘅品牌、搶市佔率。據她話，好似今次同微信搞活動最主要是搵酒店場地等各樣人力物力，講緊只係幾百萬元嘅投入，不過已看到唔錯嘅廣告效益，因為出席者除左創業人士，仲有一班想知道未來發展大勢、來自傳統行業諸如家電公司等人士，而佢哋正正係向科通採購IC零件嘅主要客群。另一方面，硬蛋至今累積大約1000間硬件創業團隊，當中亦有約20％至30％在着手製造產品時，亦會向科通採購零件，對科通嘅主業亦有一定幫助。