王利民蔡東豪 君子之交

【明報專訊】日前前主場新聞老闆蔡東豪宣布辭去精電（0710）主席，令主場新聞復活既傳聞炒得甚囂塵上。自從Tony發表「我恐懼」宣言後，一直都無咩見過人，一開始仲信誓旦旦話要佔中，噚日清場都未見人影，咁佢究竟去左邊？


噚日小琴撞到Tony跑友兼康宏金融（1019）主席王利民，佢話自主場執笠後，只係係毅行者活動見過Tony一次，認真君子之交淡如水。咁Tony辭職有咩啟示？「佢辭職向佢老闆交代嗟，又唔使向我交代！」連朋友都唔知佢去左邊，唯有等下主場真係復活時，睇下佢會唔會出來揸番大旗啦！


王利民遲啲將會同同事同一位正生書院畢業生，一齊遠赴南極最南端跑步為正生校籌款。前排新地（0016）主席郭炳江先跑完2000層樓梯，唔知兩個會唔會鬥返轉呢？


[小琴密語]