迷你海洋公園閃令令迎聖誕

【明報專訊】又到聖誕，維港兩岸大廈唔少已經亮起燈飾，今年連海洋公園都唔執輸，將園內表演場地「怡慶坊」變身「華麗聖誕燈海」嘅室內燈飾展，用幾百萬粒環保LED燈做咗個「迷你海洋公園」，將園內地標好似摩天輪、登山纜車、海洋奇觀，仲有超過50隻動物統統化成燈飾，有海豚、企鵝、大熊貓、小熊貓，仲有10呎高嘅大嘴鳥"口添"！

另外，海洋公園仲喺海濱樂園廣場建造70呎巨型聖誕樹，比舊年嗰棵高咗1倍，每日傍晚6點15分仲會上演聖誕樹亮燈儀式，有現場音樂演奏，仲有聖誕老人企定定同遊人合照。Emily知道海洋公園連串聖誕節目會喺今個星期六（13號）正式展開，只係開放3個禮拜到明年1月4號，有興趣嘅朋友留意喇。