血庫告急 O型A型請捐血

【明報專訊】天氣轉冷，天文台預料周四氣溫得12℃，紅十字會血庫都告急！紅十字會輸血服務中心噚日緊急呼籲，目前O型同A型血庫分別只夠4日用，加上未來幾日轉涼，相信多咗長期病患者同老人家入院，到時需要更多血，希望市民踴躍捐血。


輸血服務中心話，11月係流感高峰期，唔少人都病咗患流感，相信令好多熱心市民都捐唔到血。發言人話，中心一般每日要1000人捐血先夠用，但上個月每日得700至800人，希望市民幫幫手去中心捐血，家每日至少需要1100人捐血，血庫先至夠血。


如果唔知邊度有捐血站，快啲上呢個網址（http://www.ha.org.hk/rcbts）睇吓啦！