新聞類別
財經
詳情#
【明報專訊】達利國際（0608）最近認真黑仔，兩位太子爺竟然先後中招。繼8月林知譽與嫩模林芊妤（Coffee，圖）喺殘廁搞出桃色新聞後，公司早排突然停牌，原來細佬林典譽畀浙江海關扣查，連林知譽同老竇林富華都要齊齊協助提供資料。
達利噚日發咗份通告，話公司印染業務部門一批機器部件入口出咗問題，分公司董事林典譽上個月21號畀浙江紹興市海關部門扣留調查，一直到24號律師先可以去探吓佢，話晒都係拘留所，環境隨時衰過殘廁，認真慘情；而公司就話佢嘅工作由其他管理層分擔，對業務無影響喎。不過公司已經向聯交所提交申請，預計明天上午9時起恢復買賣。
根據達利份通告，今次出事部門佔公司綜合資產同營業額分別只有4.1%同3.3%，估計對公司影響唔會好大，但係林典譽駛唔駛孭鑊就不得而知。查實大公子林知譽自從衰咗殘廁單嘢之後，曾經有傳佢畀老竇「放逐」咗返咗大陸分公司，點知依家一波未平一波又起，睇怕林富華都有排操心。
email: piano@mingpao.com
[小琴密語]
達利噚日發咗份通告，話公司印染業務部門一批機器部件入口出咗問題，分公司董事林典譽上個月21號畀浙江紹興市海關部門扣留調查，一直到24號律師先可以去探吓佢，話晒都係拘留所，環境隨時衰過殘廁，認真慘情；而公司就話佢嘅工作由其他管理層分擔，對業務無影響喎。不過公司已經向聯交所提交申請，預計明天上午9時起恢復買賣。
根據達利份通告，今次出事部門佔公司綜合資產同營業額分別只有4.1%同3.3%，估計對公司影響唔會好大，但係林典譽駛唔駛孭鑊就不得而知。查實大公子林知譽自從衰咗殘廁單嘢之後，曾經有傳佢畀老竇「放逐」咗返咗大陸分公司，點知依家一波未平一波又起，睇怕林富華都有排操心。
email: piano@mingpao.com
[小琴密語]
留言 (0)
