新聞類別
財經
詳情#
【明報專訊】2012年的暑假，黃之鋒以學民思潮召集人身分出席城市論壇，就國民教育議題舌戰親建制老師，技驚四座，當時已經造王成功的梁粉前教育統籌局局長羅范椒芬在一會議上，關注的不是為何黃之鋒會反對國民教育，而是問他讀哪一家中學。如今，年輕人統領佔中運動浩浩蕩蕩，她曾公開批評通識科過分政治化，教育局不久就作出整頓，然後還夠膽行出來講她的朋友想移民，皆因怕咗年輕人。
這名61歲的女士，身兼人大代表，且是董氏造王集團的「智將」，去到2017都會不斷呼風喚雨，估計仲會沾手科技同青年事務，但咁樣的思維，點樣創新？點樣了解年輕人？咁樣落去，筆者要移民，皆因好好好怕佢。
呢兩年面目猙獰者眾，在公開場合發表一些一聽就係歪理的說話，真係要向西環致敬。西環一個柯打，猶如打了興奮劑，為咗交差，個個七情上面。
葉劉鬧蘋記 阿女白緊張
最近葉劉一段鬧蘋果記者的片段，一睇就知係要交功課，有乜理由一個經過直選洗禮的人，可以潑婦罵街，連阿女力勸都無用，皆因西環一個「反蘋果」嘅柯打，令人瘋狂。阿女下次不用咁上心，阿媽做緊騷啫；不過咁，要咁樣落力演出，葉劉張2017入場券，應該未到手。
西環力場，讓政客不理形象，也讓梁特可以輕輕鬆鬆膠下去。經過一班政界智將的深度分析，佔中原因是年輕人不能置業，故對社會抱有怨氣，於是梁特叫大家消消氣，請大家坐摩天輪，又安撫旺角商戶，叫市民多啲去旺角購物。呢啲說話如果翻譯成多國語言，恐怕連金正恩都會講句：「話你戇豆怕你嬲。」
政客求交數 講嘢唔理質素
唔理三七二十一，總之建制派要爭取話語權，呢個係西環指令，只求交數，唔講質素，香港文明淪陷，實在要多謝呢班為咗權位而爭相獻媚的政客；西環班中堅分子，由北京派駐香港，一年內學懂廣東話，但學唔懂香港核心價值同文明所在，王維基話齋，要了解年輕人，睇《100毛》啦，但筆者敢肯定西環同香港一班平均六十歲掌權政客都唔會睇得明，或者根本不用睇明，因為家上演嘅係一場忠字舞，所有表演都係做畀上面睇。
低品味文宣 做畀北大人睇
舉例說，董氏的團結香港基金，點解可以做得出「黃絲帶」加「藍絲猜」等於綠色的「好」字？背後仲要係廣告出身嘅紀文鳳揸旗，呢類畫公仔畫出腸的低品味文宣方式，明顯唔係畀香港人睇，係話畀北大人聽「我哋團結緊香港」，我哋「交緊差」。如果筆者係習大大，一定嬲到核爆，用低劣手段執行任務，真係唔做好過做；不過，因為柯打由北京經西環再到中環，實在大打折扣，仲要幾條線同時傳訊，亂到七彩，總之做咗先算。世界難撈，政客要幾騎呢有幾騎呢，香港被玩多幾年後，一毛不值。
[應正亮 廿四味]
這名61歲的女士，身兼人大代表，且是董氏造王集團的「智將」，去到2017都會不斷呼風喚雨，估計仲會沾手科技同青年事務，但咁樣的思維，點樣創新？點樣了解年輕人？咁樣落去，筆者要移民，皆因好好好怕佢。
呢兩年面目猙獰者眾，在公開場合發表一些一聽就係歪理的說話，真係要向西環致敬。西環一個柯打，猶如打了興奮劑，為咗交差，個個七情上面。
葉劉鬧蘋記 阿女白緊張
最近葉劉一段鬧蘋果記者的片段，一睇就知係要交功課，有乜理由一個經過直選洗禮的人，可以潑婦罵街，連阿女力勸都無用，皆因西環一個「反蘋果」嘅柯打，令人瘋狂。阿女下次不用咁上心，阿媽做緊騷啫；不過咁，要咁樣落力演出，葉劉張2017入場券，應該未到手。
西環力場，讓政客不理形象，也讓梁特可以輕輕鬆鬆膠下去。經過一班政界智將的深度分析，佔中原因是年輕人不能置業，故對社會抱有怨氣，於是梁特叫大家消消氣，請大家坐摩天輪，又安撫旺角商戶，叫市民多啲去旺角購物。呢啲說話如果翻譯成多國語言，恐怕連金正恩都會講句：「話你戇豆怕你嬲。」
政客求交數 講嘢唔理質素
唔理三七二十一，總之建制派要爭取話語權，呢個係西環指令，只求交數，唔講質素，香港文明淪陷，實在要多謝呢班為咗權位而爭相獻媚的政客；西環班中堅分子，由北京派駐香港，一年內學懂廣東話，但學唔懂香港核心價值同文明所在，王維基話齋，要了解年輕人，睇《100毛》啦，但筆者敢肯定西環同香港一班平均六十歲掌權政客都唔會睇得明，或者根本不用睇明，因為家上演嘅係一場忠字舞，所有表演都係做畀上面睇。
低品味文宣 做畀北大人睇
舉例說，董氏的團結香港基金，點解可以做得出「黃絲帶」加「藍絲猜」等於綠色的「好」字？背後仲要係廣告出身嘅紀文鳳揸旗，呢類畫公仔畫出腸的低品味文宣方式，明顯唔係畀香港人睇，係話畀北大人聽「我哋團結緊香港」，我哋「交緊差」。如果筆者係習大大，一定嬲到核爆，用低劣手段執行任務，真係唔做好過做；不過，因為柯打由北京經西環再到中環，實在大打折扣，仲要幾條線同時傳訊，亂到七彩，總之做咗先算。世界難撈，政客要幾騎呢有幾騎呢，香港被玩多幾年後，一毛不值。
[應正亮 廿四味]
留言 (0)
