女菁匯酒會 難得小加合照

【明報專訊】近排講起港交所（0388），相信無論股民定股東都垂頭喪氣，皆因搞咗半年嘅滬港通「見光死」，港股同港交所齊齊插水，不過噚日CEO李小加就放下沉重心情，出席港交所女菁匯酒會，你睇佢同成班女性一齊影相（圖中）幾開心！

女菁匯係由港交所員工喺上年發起組成，主要目的係喺公司內部推動各項政策同發展計劃，支援女性擔當領導角色，仲會推動外展計劃，促進港交所同女性客戶交流，甚至推動更多有關職場女性嘅企業社會責任議題。


女菁匯噚日個酒會主題係「重返職場女性」，小加就話，好多選擇重返職場嘅女性都是不可多得的專業人才，但係經常被低估同忽略，未來港交所都會積極招攬呢類員工。


講咗咁耐，最重要都係睇返幅相，查實平時小加雖然都好風趣又會講笑，不過就好少見佢會公開同成班女性影相，所以呢張相都應該係有今生無來世咯。