香港盛產富婆

【明報專訊】Wealth-X同瑞銀噚日出咗份《2014年世界超級財富報告》，用淨資產達3000萬美元（約2.34億港元）為富豪標準做量度，發現香港原來有3335名富豪，比舊年多咗155名，喺亞洲同全球分別排第4同第13名，最奇特係入面原來有成867個係富婆，令香港成為盛產富婆地區。


比例遠高全球

報告就話香港近一成財富係來自房地產，比例比其他地方都高，而且大部分超高淨值財富係來自繼承家族財產，仲有全球富豪比例入面有13%係女人，香港嘅比例就高一倍，有26%富豪係女人，即係香港至少有867個富婆。


唉，明明大家都住係香港，都唔知小琴要做多幾多年記者，先可以躋身做富婆呢？

睇番成份報告，喺全球富豪最密集地區入面，香港排第3名，以每100萬人口計，就有456位富豪，比全球平均水平高逾15倍，至於排第一既盧森堡就有1313位，其次既瑞士有824位。


[小琴密語]