新世界董事重選 誕生「票王票后」

【明報專訊】新世界（0017）噚日就舉行股東會重選董事，雖然結果毫無懸念全部董事續任，但係彤叔細仔鄭家成、孫仔鄭志恒，仲有綽號「築福香港阿媽」嘅紀文鳳三位董事，每位都有三成股東反對續任。


反對票急升四五倍

睇番兩年前既股東投票結果，明明三位董事都一樣以九成票贊成續任，計埋大家只有大概7.5%反對票，到底係呢兩年間發生咩事，令到三位反對票突然急升四、五倍？真係要問下新世界股東先知。


至於今年唔使重選嘅「純官」鄭家純，阿仔鄭志剛，以及陳觀展、「（反對）票后」紀文鳳，噚日就喺香港同常務副省長江澤林率領嘅陝西省政府代表團見面，睇嚟新世界日後都可能會喺陝西大展拳腳喎。


email: piano@mingpao.com

[小琴密語]