金鐘佔區聖誕樹掛願望

【明報專訊】繼有留守佔區嘅酒店廚師炮製呈現金鐘佔領區情况嘅聖誕蛋糕後，Emily發現金鐘近「連儂牆」附近亦出現一棵聖誕樹（圖），樹上掛嘅唔係一般聖誕裝飾，而係市民寫咗聖誕願望嘅字條，例如有人希望成功爭取真普選，亦有人希望自己重要嘅人喺呢場運動平平安安，唔好令親友擔心。


聖誕樹吸引市民注目，Emily同圍觀影相嘅市民譚小姐傾過，佢話自己到過金鐘集會，聖誕願望亦想有真普選，「就算未有（真普選），至少政府肯同學生傾多次，家覺得反對佔領嘅市民愈來愈多」。