星美踩過界 撈埋旅遊團

【明報專訊】從事媒體服務嘅星美文化（2366），剛係上個星期先通過股東特別大會，通過將大股東覃輝喺北京星美影城附帶嘅旅遊、酒店、餐廳生意注入後，再搞搞新意思，實行踩過界做埋旅行團。佢哋聯同首旅旗下諾金旅行搞咗個出境旅行團「影迷遊世界」香港夢幻電影之旅，更已經成行，並且搵嚟星美文化執行董事兼中港歌影視吃得開嘅陳友同啲團友合照，實行多路掘金。


搵陳友帶「香港夢幻電影之旅」

大家估呢個團去邊？據星美文化講，首站去咗尖沙嘴星光大道，睇番70個影人嘅牌匾同30個名人手印，第二站去油麻地廟街同百老匯影城，最後一站去香港藝術中心。陳友仲落手落腳，同班團友大合照。其實小琴心諗搞電影概念旅行團都搞得成，未知將來會唔會再度搞埋電視、音樂之旅，甚至撈埋一齊，話唔定仲好搵！


email: piano@mingpao.com

[小琴密語]