舊同袍醫師為警義診

【明報專訊】警方不時講起處理佔中嘅警察好辛苦，新一期《警聲》就介紹，退休警長兼跌打醫師黃桂安逢周一至周五喺警察總部「擺檔」義診，為受傷警員提供跌打推拿診治，仲教佢哋做鍛煉動作。黃醫師以前任職槍械訓練科，除咗教人揸槍，原來仲「食過夜粥」，自小習武及學習跌打醫術，高級助理警務處長周國良都同佢握握手，多謝佢仗義幫助。


除咗有醫師駐警察總部，《警聲》又介紹，新界北總區一班同事煲咗愛心涼茶同預備新鮮水果為同事打氣。心理服務課亦提供心理支援，仲透露警隊收到逾16,000封來自市民嘅感謝電郵同感謝信。俗稱「遮仔會」嘅香港警察儲蓄互助社更加捐咗100萬畀警察福利基金。