英語能力港遜日韓？

【明報專訊】英語教育集團EF噚日發表最新全球「英語能力指標」，喺63個非以英語為母語嘅國家與地區中，丹麥排名首位，亞洲排名最高係馬來西亞（第12位），香港就排亞洲第8、全球31，比韓國、日本、印尼同台灣仲低，並首次畀上海、天津同北京超越，Emily對呢個結果都有啲摸不着頭腦。


Emily了解番調查方法，原來係各地區EF學員同市民自願參與網上英語測試，評估語法、詞彙、閱讀同聆聽能力，收集到75萬人嘅數據得出排名。


前語文教育及研究常務委員會主席田北辰認為，EF嘅測試只涉及閱讀同聆聽，非讀寫聽說四方面，有少少「偏頗」；中大英文系系主任Simon Haines都話測試對象有篩選性。不過，教育局好緊張，噚日寫咗成千字回應排名，話佢不具代表性，又話港人IELTS成績叻過日本同韓國人喎。