新聞類別
財經
詳情#
【明報專訊】財務公司安信委託香港大學民意研究計劃做咗個調查，研究香港人信用卡理財習慣同結欠還款狀况，喺安信客戶資料庫隨機抽出香港市民，成功訪問516個人，發現原來今年上半年受訪者平均每月信用卡總消費6640元，平均最多欠卡數78,700元，其中有啲人仲試過拖欠超過100萬元，碌卡畀買樓首期都唔使咁貴啦。
最勁欠數紀錄逾百萬
調查入面，受訪者平均用17個月清還卡數，其中有人最高紀錄係要用10年，舊年就平均23個月，不過41%受訪者都係半年內就可以找清。多達六成人唔可以一次過找清卡數，其中一個原因係唔夠錢，同時有37%諗住留返多D現金喺手，亦有22%覺得無可能一次過清晒。
好多人話香港係購物天堂，但大家購物時容易得意忘形，可能唔記得自己卡數情况，原來有57%受訪者表示，唔知道每張信用卡簽帳利息係幾多，更有79%人唔知道每張信用卡現金透支嘅利息係幾多，而且有34%受訪者試過用返信用卡或者信用卡衍生工具嚟清卡數，包括用信用卡套現、現金透支同卡冚卡。
有子女人士 個人消費增
受訪者入面，有仔女嘅欠卡數情况比一般人嚴重，平均最高欠卡數83,300元，比無仔女嘅受訪者高13%，但當中有八成父母級受訪者都認為碌卡唔係為咗應付仔女開支，而係有65%父母表示用喺個人消費，包括衣服、美容、運動等，亦有44%表示用係消閒旅遊，42%用喺飲食，咁匪夷所思嘅？
另外，早前財爺話「佔中」令簽帳額下跌，中大會計學院高級講師李兆波就話，佔中對消費信心只有少許影響，對清場嘅預期影響反而更大，又話而家付款渠道咁多，仲有網購興起，唔覺得佔中係拉低簽帳額嘅唯一因素。
email: piano@mingpao.com
[小琴密語]
最勁欠數紀錄逾百萬
調查入面，受訪者平均用17個月清還卡數，其中有人最高紀錄係要用10年，舊年就平均23個月，不過41%受訪者都係半年內就可以找清。多達六成人唔可以一次過找清卡數，其中一個原因係唔夠錢，同時有37%諗住留返多D現金喺手，亦有22%覺得無可能一次過清晒。
好多人話香港係購物天堂，但大家購物時容易得意忘形，可能唔記得自己卡數情况，原來有57%受訪者表示，唔知道每張信用卡簽帳利息係幾多，更有79%人唔知道每張信用卡現金透支嘅利息係幾多，而且有34%受訪者試過用返信用卡或者信用卡衍生工具嚟清卡數，包括用信用卡套現、現金透支同卡冚卡。
有子女人士 個人消費增
受訪者入面，有仔女嘅欠卡數情况比一般人嚴重，平均最高欠卡數83,300元，比無仔女嘅受訪者高13%，但當中有八成父母級受訪者都認為碌卡唔係為咗應付仔女開支，而係有65%父母表示用喺個人消費，包括衣服、美容、運動等，亦有44%表示用係消閒旅遊，42%用喺飲食，咁匪夷所思嘅？
另外，早前財爺話「佔中」令簽帳額下跌，中大會計學院高級講師李兆波就話，佔中對消費信心只有少許影響，對清場嘅預期影響反而更大，又話而家付款渠道咁多，仲有網購興起，唔覺得佔中係拉低簽帳額嘅唯一因素。
email: piano@mingpao.com
[小琴密語]
留言 (0)
