光棍節風吹至香港

【明報專訊】原本起源於內地網民自嘲而創立嘅光棍節，家無厘頭演變成消費大節日。阿里淘寶話十分鐘就已經有37億人仔銷售額，香港商家都唔執輸，玩埋一份，家俬及家品店實惠嘅網上店舖噚日同樣推出八折優惠吸客。


實惠個網站寫明喺只限11月11日一日嘅光棍節優惠，產品以8折發售，不過細心睇返啲細節，原來呢次優惠只適用於網店，另外又唔包括雪櫃、冷氣機或者洗衣機等大型電器，原本嘅會員優惠亦唔可以同時使用。但係好似電腦枱、書架、牀褥都喺有折頭，如果真喺咁啱要掃貨或者搬屋嘅朋友都會啱用啩。


小琴特登去咗掃下網，發覺仲有一間喺專門賣電子產品嘅網店友和同樣玩光棍節推廣，而且仲可以打印優惠券，實體店都用到喎。


[小琴密語 email: piano@mingpao.com]