經民聯推撐警短片

【明報專訊】警方喺佔領行動期間嘅執法備受爭議，經民聯噚日就推出短片積極撐警。呢段短片，除咗用佔領行動期間警方執法嘅照片同片段，亦有用警方喺過往不同場合，包括水災、車禍、冧樹協助市民嘅畫面，但就完全無用到警方放催淚彈嘅片段。Emily心諗，如果警方當日唔用催淚彈，唔知會否有更多市民支持警方呢？


經民聯話，香港社會家因為「佔中」充滿撕裂氣氛，警務人員成為磨心，被激進示威者推撞、責罵同醜化，可以話係裏外受氣，無法辯解。警察係社會一分子，需要市民支持同鼓勵，所以經民聯特別推出呢段題為《守護法治 支持警方秉公執法》短片，肯定警務人員嘅努力。


加入昔日助市民畫面

據悉，呢段片今日開始會喺DBC播，去經民聯網頁都有得睇（http://www.bpahk.org）。