新聞類別
財經
詳情#
【明報專訊】香港人，真的不會搞革命的；佔中至今，持久性已超預期，但最近中環一帶，甚至是坐在象牙塔中的學者，都開始說「是時候撤了……」筆者有一種典型的中環人心理，對於這個病入膏肓的政府，的確很憤怒，但又開始認為佔中如此下去，已失去方向和焦點，只要中午到金鐘夏慤道走走，就會發現運動失去開始時的那種純粹，變了味﹗信奉現實主義的中環人，筆者贊成「撤」，但又不知如何撤，亦不忿那班不負責任的高官們，可以全身而退。這種無奈，比維特少年的煩惱，更為複雜。
如今可以做的，就是該罵就罵，該爆就爆。
妖氣冲天 非香港之福
小弟不才，沒有驚天動地的黑材料在手，但據聞，城中有位二線富豪，蒐集了最多黑材料，範圍包括現在式和未來式的黑馬，他伺機而動，希望突圍而出，做一個真正的造皇者。此人其貌不揚，但出名大口氣，近期偏愛女政治家，未知會否畀佢成功偷雞，做一場比2012年更為驚天地泣鬼神的大龍鳳﹗雖然有戲睇，但妖氣冲天，非香港之福。
梁特出口術 港交所即升
八卦到此為止，現要啟動評論員模式。話說，梁特這次有得上京赴APEC盛會，成個人飄飄然，佢老哥還特意跳出來，在開市後先話會上京爭取滬港通，語畢，港交所（0388）即升，政府話晒都有6%股份，在開市期間出口術，簡直是漠視市場規矩，不過，呢個政府，幾時有規矩過？以佢老哥的慣性行為，有水唔抽，罪大惡極，佢咁樣講得出，一定係搞得掂，上京爭取為名，事先抽水為實。
料兩三星期內滬港通將開通
有北京老友話，睇咗筆者上星期篇文，滿肚冤屈，拍晒枱櫈話唔關佢哋事，仲話成個滬港通計劃，幾時拍板都係特區政府話事。
如果屬實，計劃突然叫停，說是與佔中有關，都是子虛烏有的；停一停，攞攞彩，此等低成本製作，有人樂此不疲。如果梁特下周訪京「成功爭取」，然後宣布開通滬港通，仲唔威威？筆者估計，未來兩三星期成事機會好大。
各路人馬虎視眈眈 2017年將更殘酷
不過咁，抽水，是不能止血的。佔中呢個燙手山芋，佢一日未搞掂，都唔能夠重拾大老闆對佢的信心；加上近期各路人馬虎視眈眈，稍一不慎，踩了西瓜皮，對一個停留在只懂抽水層次的人嚟講，幾厚面皮都未必撐得住。
政治真係一日都嫌長，筆者呢幾日深有體會，前幾篇文先話老董以一副造皇者姿態挺松，呢幾日又跑出另一個影子造皇者，所以無論政改過唔過，2017年呢個角力場，一定會更加殘酷。
又係嗰句，對於一個現實主義的中環人來說，「袋住先」，不一定係壞事，因為齋食花生，實在會手痕。
[應正亮 廿四味]
如今可以做的，就是該罵就罵，該爆就爆。
妖氣冲天 非香港之福
小弟不才，沒有驚天動地的黑材料在手，但據聞，城中有位二線富豪，蒐集了最多黑材料，範圍包括現在式和未來式的黑馬，他伺機而動，希望突圍而出，做一個真正的造皇者。此人其貌不揚，但出名大口氣，近期偏愛女政治家，未知會否畀佢成功偷雞，做一場比2012年更為驚天地泣鬼神的大龍鳳﹗雖然有戲睇，但妖氣冲天，非香港之福。
梁特出口術 港交所即升
八卦到此為止，現要啟動評論員模式。話說，梁特這次有得上京赴APEC盛會，成個人飄飄然，佢老哥還特意跳出來，在開市後先話會上京爭取滬港通，語畢，港交所（0388）即升，政府話晒都有6%股份，在開市期間出口術，簡直是漠視市場規矩，不過，呢個政府，幾時有規矩過？以佢老哥的慣性行為，有水唔抽，罪大惡極，佢咁樣講得出，一定係搞得掂，上京爭取為名，事先抽水為實。
料兩三星期內滬港通將開通
有北京老友話，睇咗筆者上星期篇文，滿肚冤屈，拍晒枱櫈話唔關佢哋事，仲話成個滬港通計劃，幾時拍板都係特區政府話事。
如果屬實，計劃突然叫停，說是與佔中有關，都是子虛烏有的；停一停，攞攞彩，此等低成本製作，有人樂此不疲。如果梁特下周訪京「成功爭取」，然後宣布開通滬港通，仲唔威威？筆者估計，未來兩三星期成事機會好大。
各路人馬虎視眈眈 2017年將更殘酷
不過咁，抽水，是不能止血的。佔中呢個燙手山芋，佢一日未搞掂，都唔能夠重拾大老闆對佢的信心；加上近期各路人馬虎視眈眈，稍一不慎，踩了西瓜皮，對一個停留在只懂抽水層次的人嚟講，幾厚面皮都未必撐得住。
政治真係一日都嫌長，筆者呢幾日深有體會，前幾篇文先話老董以一副造皇者姿態挺松，呢幾日又跑出另一個影子造皇者，所以無論政改過唔過，2017年呢個角力場，一定會更加殘酷。
又係嗰句，對於一個現實主義的中環人來說，「袋住先」，不一定係壞事，因為齋食花生，實在會手痕。
[應正亮 廿四味]
留言 (0)
