青年委會反佔領集會張明敏獻唱

【明報專訊】最近建制派不停動員集會反佔中，繼前日勞工界申訴會吐苦水後，噚日輪到香港各界青少年活動委員會喺中環遮打花園集會，號召咗幾百名人反佔中，當中唔少青年都係身穿西裝放工趕到集會。


今次集會除咗嘉賓輪流上台致辭外，大會特登安排唔同表演，例如張明敏獻唱經典歌曲《我的中國心》、青少年表演break dance，以及樂隊演奏。另外，主辦單位成員亦多次上台帶領集會者唱《紅日》、《同舟共濟》等歌曲，並派埋熒光棒畀集會者喺台下揮動，有啲演唱會嘅氣氛。節目豐富，但Emily留意到現場有人瞓着咗，唔知係咪返工太攰？