今年尖東燈飾 Hello Kitty搶鏡

【明報專訊】雖然仲有排未到聖誕節，但噚日天氣開始涼咗好多，位處尖東嘅尖沙嘴中心同帝國中心都整好今年聖誕嘅大型燈飾。今年主角唔係聖誕老人或者鹿仔，而係卡通人物Hello Kitty同Dear Daniel，兩間商場仲合力將麼地里上空變成長140呎、闊75呎嘅「星海」（圖），利用雙面LED燈管整咗超過200粒閃令令Kitty蝴蝶結同星星，咁浪漫，一定吸引唔少情侶留影。Emily知道Kitty燈飾聽晚（6號）6點正式亮燈，有興趣嘅朋友留意啦。