尤曾家麗落佔區「大開眼界」

【明報專訊】曾任衛生福利及食物局及民政事務局常任秘書長、現任職業訓練局執行幹事嘅尤曾家麗噚日同傳媒午宴，被問到點睇佔中時，尤太話佔領運動初期佢對學生嘅熱情感到敬佩，但今時今日學生要開始考慮係咪仍然要「不知進退」，作為負責任嘅人應該好好衡量得失。尤太又話之前途經金鐘太古廣場時，曾走到佔領區睇吓，話「做咗幾廿年人，今次真係大開眼界」。


不希望政治行動損畢業禮氣氛

日前教育局長吳克儉話關注大學生喺畢業禮上作政治表態行動，稍後將同大學校長會傾應對方法；尤太話學生點做係自己選擇，但事前應想想畢業禮嘅意義，佢認為畢業禮係感謝老師同父母栽培，所以唔希望學生因為表達訴求而破壞典禮氣氛。


尤太又話學生要想清楚，除咗呢個形式，係咪已經無其他渠道宣泄，因為咁做可能會令校方日後請唔到好嘅嘉賓出席典禮，對師弟妹唔公平。